Əli Əhmədov: “Bu bəyanat sərsəm və reallıqdan uzaqdır…”
  • YAP icra katibi Əli Əhmədov Bakıda sərsəmləyən erməni partiya sədri Raffi Ovanesyana cavab verdi.

“Ermənistanın sabiq xarici işlər naziri Raffi Ovanesyanın fikirləri reallığı əks etdirmir, beynəlxalq aləmin bu məsələlərlə bağlı baxışlarının çərçivəsinə sığmır”. FOXnews.az-ın verdiyi məlumata görə, bunu Yeni Azərbaycan Partiyası icra katibi Əli Əhmədov jurnalistlərə açıqlamasında söyləyib.

Qeyd edək ki, Bakıda keçirilən Asiya Siyasi Partiyalarının Beynəlxalq Konfransının 7-ci Baş Assambleyasında iştirak edən Ermənistanın İrs Partiyasının sədri, Ermənistanın sabiq xarici işlər naziri Raffi Ovanesyan deyib ki, Dağlıq Qarabağda yaşayan insanların öz müqəddəratını təyin etmək hüququ var: “Mən işğal məsələsi ilə razılaşmıram. Yalnız Azərbaycanla Türkiyə bunu işğal sayır, biz bunu işğal saymırıq. Biz bunu azad edilmiş torpaqlar kimi qiymətləndiririk. Dağlıq Qarabağdakı insanlar hüquqlarını təyin edə bilməlidirlər”.

Əli Əhmədov bildirib ki, ATƏT-in Minsk Qrupunun həmsədrləri də Azərbaycan torpaqlarının işğal olunduğu faktını dəfələrlə ifadə edib, Azərbaycanın ərazi bütövlüyünü tanıdıqlarını ifadə ediblər: “Ona görə də bu bəyanat sərsəm və reallıqdan uzaqdır”.

Sabina Əsədova

Geri dön
  • Xahiş edirik, rəy bildirmənizi unutmayın! Sizin rəylərin, fikirlərinizin bizim üçün böyük əhəmiyyəti var!
Hadisələrdən həmən xəbərdar olmaq üçün avtomatlaşdırılmış TWITTERFACEBOOK hesablarımıza üzv olun.
Facebook hesabınız vasitəsilə xəbərlərə rəylərinizi bildirin.
Facebook hesabınıza daxil olun və aşağıdakı aktiv olacaq paneldə öz fikrinizlə bölüşün.