Azərbaycanda özəl klinikaların reklamları məhdudlaşdırılıb
  • Azərbaycanda özəl tibb fəaliyyəti subyektləri tərəfindən göstərilən tibbi xidmətlərin reklamının yayımı müvafiq icra hakimiyyəti orqanının rəyi əsasında qanunvericiliklə müəyyən edilmiş qaydada həyata keçiriləcək.

Milli Məclisin bu gün keçirilən plenar iclasında "Reklam haqqında" qanuna bununla əlaqədar yeni bəndin əlavə edilməsi müzakirə edilib. Dəyişiklik barədə MM-in İqtisadi Siyasət komitəsinin sədri Ziyad Səmədzadə məlumat verib.

Milli Məclis sədrinin birinci müavini Ziyafət Əsgərov isə bildirib ki, Azərbaycan seriallarında siqaret çəkilməsi ilə bağlı səhnələr yer alır: “Bu da reklamdır. Bunun da qarşısı alınmalıdır. Serial istehsalı ilə məşğul olanlar buna fikir verməlidirlər”.

Müzakirələrdən sonra dəyişiklik qəbul olunub.

Sabina Əsədova

Geri dön
Hadisələrdən həmən xəbərdar olmaq üçün avtomatlaşdırılmış TWITTERFACEBOOK hesablarımıza üzv olun.
Facebook hesabınız vasitəsilə xəbərlərə rəylərinizi bildirin.
Facebook hesabınıza daxil olun və aşağıdakı aktiv olacaq paneldə öz fikrinizlə bölüşün.