Ermənistan parlamenti “Dağlıq Qarabağın müstəqilliyinin tanınmasına” boykot edib
  • Ermənistan parlamentindəki fraksiyaların əksəriyyəti “Dağlıq Qarabağın müstəqilliyinin Ermənistan tərəfindən tanınması haqqında” qanun layihəsi ilə bağlı səsverməni boykot edib.

“Novosti Armeniya” yaydığı məlumata görə, “İrs” partiyasının fraksiya rəhbəri Zarui Postancyan tərəfindən təqdim olunmuş qanun layihəsinin lehinə 10 nəfər səs verib, bir nəfər bitərəf qalıb, əleyhinə səs verən isə olmayıb.

Səsvermədən öncə Zarui Postancyan bir daha Dağlıq Qarabağın “müstəqilliyinin” Ermənistan tərəfindən tanınmasının vacibliyini bir daha vurğulamaq istəyib, lakin spiker Ovik Abramyan onun mikrofonunun söndürülməsinə göstəriş verib.

Hakim Respublika Partiyasının parlament fraksiyasının rəhbəri Qalust Saakyan və “Çiçəklənən Ermənistan” Partiyasının parlament fraksiyasının katibi Naira Zöhrabyan səsvermədə iştirak etməyəcəklərini bəyan ediblər.

Müxalif Ermənistan Milli Konqresinin parlament fraksiyasının rəhbəri Levon Zurabyan isə Dağlıq Qarabağın “müstəqilliyinin” Ermənistan tərəfindən tanınmasının tərəfdarı olduqlarını, lakin hazırda bu addımın vaxtının çatmadığını deyib və səsvermədə iştirak etməyəcəklərini söyləyib.

Qeyd edək ki, bundan əvvəl “Daşnaksütun” Partiyasının fraksiyası qanun layihəsinin lehinə səs verəcəyini bildirib.

Geri dön
Hadisələrdən həmən xəbərdar olmaq üçün avtomatlaşdırılmış TWITTERFACEBOOK hesablarımıza üzv olun.
Facebook hesabınız vasitəsilə xəbərlərə rəylərinizi bildirin.
Facebook hesabınıza daxil olun və aşağıdakı aktiv olacaq paneldə öz fikrinizlə bölüşün.