Türkiyədə nazir övladlarını həbsə göndərmiş prokuror işdən kənarlaşdırıldı
  • Türkiyədə rüşvət, korrupsiya, qaçaqmalçılıq ittihamları əsasında aralarında 3 nazir övladının da olduğu bir sıra tanınmış şəxslərin həbsinə sanksiya vermiş İstanbul baş prokurorunun birinci müavini Zəkəriyyə Öz cinayət işinin istintaqından kənarlaşdırılıb.

Türkiyə xəbər agentliklərinin verdiyi məlumata görə, bu gün cinayət işinin dosyesi Z.Özdən alınıb. İstintaqa bundan sonra şəxsən İstanbul baş prokuroru Turan Çolakkadı nəzarət edəcək.

Xatırladaq ki, bu gün səhər İstanbul Əmniyyət Müdirliyinin (polis idarəsi) maliyyə şöbəsinin müdiri Yaqub Sayqılı, Qaçaqmalçılığa qarşı mübarizə şöbəsinin müdiri Toğrul Turhal, Mütəşəkkil cinayətkarlığa qarşı mübarizə şöbəsinin müdiri Nazmi Ardıç, Terrorla mübarizə şöbəsinin müdiri Ömər Kösə və Asayiş şöbəsinin müdiri Ərsan Ərçıktı vəzifələrindən kənarlaşdırılıblar.

Həm bu şəxslərin, həm də prokuror Zəkəriyyə Özün nurçulara yaxın olduqları bildirilir. Hökumət son həbslərdə, məhz nurçu polis və prokurorları günahlandırır.

Türkiyə müxalifəti hökumətin qalmaqalın üstünü örtməyə çalışdığını bildirir.

Geri dön
Hadisələrdən həmən xəbərdar olmaq üçün avtomatlaşdırılmış TWITTERFACEBOOK hesablarımıza üzv olun.
Facebook hesabınız vasitəsilə xəbərlərə rəylərinizi bildirin.
Facebook hesabınıza daxil olun və aşağıdakı aktiv olacaq paneldə öz fikrinizlə bölüşün.