İbad Hüseynova “Milli Qəhrəman” adı verilsin (MÜRACİƏT)
  • “O, Qarabağ uğrunda gedən döyüşlərdə xüsusi mərdlik və şücaət göstərmişdir”.

Azərbaycan Vətən Müharibəsi Veteranları Birliyi (AVMVB) ölkə prezidenti, Silahlı Qüvvələrin Ali Baş Komandanı İlham Əliyevə müraciət ünvanlayıb. 64 min müharibə veteranı adından ünvanlandığı bildirilən müraciətin müəllifi AVMVB sədri Füzüli Rzaquliyev keçmiş döyüşçü İbad Hüseynova Milli Qəhrəman adının verilməsini xahiş edib.

“Xocavənd rayon sakini, 2-ci qrup müharibə əlili, “Azərbaycan Bayrağı” ordenli İbad Hüseynov təşkilatımızın rəhbərliyinə müraciət edərək,  erməni işğalçılarına qarşı döyüşlərdə göstərdiyi xidmətlərə görə layiq olduğu adın ona verilməsinə köməklik göstərilməsini xahiş edib. Belə ki, həqiqətən o, Qarabağ uğrunda gedən döyüşlərdə xüsusi mərdlik və şücaət göstərmişdir".

AVMVB sədri xatırladıb ki, İbad Hüseynovun xidmətləri mərhum prezident Heydər Əliye tərəfindən elə səngərdəcə qiymətləndirilmiş və onu Azərbaycanın Milli Qəhrəmanı adlandırılmışdı.

İbad Hüseynovun Vətən qarşısındakı döyüş xidmətlərini və ən başlıcası ulu öndərimiz tərəfindən Azərbaycanın Milli Qəhrəmanı adlandırılmasını nəzərə alaraq ona “Milli Qəhrəman” adının verilməsini Sizdən xahiş edirik.

Müharibə adamlarına göstərdiyiniz həssas qayğıkeş münasibətiniz  bizə ümid verir ki, müraciətimizi nəzərə alacaqsınız.

Bu, Sizin VƏTƏNƏ, TORPAĞA, MİLLƏTƏ olan sevginizdən irəli gəlir.

Bu gün müharibə veteranına göstərilən qayğı sabahkı qələbəmizə böyük köməkdir”-deyə müraciətdə vurğulanıb.

Qeyd edək ki, “Azərbaycan Bayrağı” ordeni kavaleri və kəşfiyyat-diversiya dəstəsinin komandiri İbad Hüseynov Qarabağ müharibəsi qəhrəmanı kimi tanınır. O, 1993-cü il 12 iyun tarixində məşhur erməni terrorçu Monte Melkonyanı öldürməsiylə məşhurdur.

Geri dön
Hadisələrdən həmən xəbərdar olmaq üçün avtomatlaşdırılmış TWITTERFACEBOOK hesablarımıza üzv olun.
Facebook hesabınız vasitəsilə xəbərlərə rəylərinizi bildirin.
Facebook hesabınıza daxil olun və aşağıdakı aktiv olacaq paneldə öz fikrinizlə bölüşün.