Şeyxi Allahşükür Paşazadə: Buna görə Allah onların cəzasını verəcək
  • Bütün Qafqazın Şeyxi Allahşükür Paşazadə “İraq Şam İslam Dövləti” (İŞİD) silahlı qruplaşmasının İraqda apardığı qanlı zorakılıqlara münasibət bildirib.

Şeyx vurğulayıb ki, qruplaşma din uğrunda döyüşmür, onlar siyasət girovlarıdır:

“Hər hansı müsəlman, özünə müsəlman deyərək bir qardaşının və insanın qanını tökürsə, bu adam kafirdir. Bu gün dünyada din pərdəsi altında törədilən zorakılıq üstünlük təşkil edir. Hazırda Suriyada, İraqda, Kərkükdə, Mosulda öldürülən insanlar haqsız yerə qətlə yetirilir. Təbii ki, buna görə Allah onların cəzasını verəcək”.

Qeyd edək ki, İraqda yaranmış vəziyyətlə əlaqədar Azərbaycan Xarici İşlər Nazirliyi ölkə vətəndaşlarını İraqa getməməyi məsləhət görüb.

Xarici işlər nazirliyinin mətbuat xidmətinin rəhbəri Elman Abdullayev hazırda İraqda ölkə vətəndaşlarının olub-olmadığını araşdırdıqlarını da bildirib.

Xatırladaq ki, terrorçu qruplaşma adlandırılan İŞİD bir neçə İraq şəhərini nəzarəti altına alıb. Terrorçu qruplaşma şiə təriqətindən olan müsəlmanlara qarşı amansız olacağını bəyan edib.

Geri dön
Hadisələrdən həmən xəbərdar olmaq üçün avtomatlaşdırılmış TWITTERFACEBOOK hesablarımıza üzv olun.
Facebook hesabınız vasitəsilə xəbərlərə rəylərinizi bildirin.
Facebook hesabınıza daxil olun və aşağıdakı aktiv olacaq paneldə öz fikrinizlə bölüşün.