Azərbaycanda daha bir müğənninin prodüseri həbs edildi (FOTO)
  • Tanınmış müğənni Sevinc Ağaşirinovanın prodüseri Elvin Əli bir neçə gün əvvəl həbs olunub.

Prodüser narkotik vasitələrin qanunsuz dövriyyəsində şübhəli bilinərək istintaqa cəlb edilib. Onun barəsində məhkəmə tərəfindən istintaq müddəti üçün həbs-qətimkan tədbiri seçilib

Məsələ ilə bağlı müğənni S.Ağaşirinova ilə əlaqə saxlamağa çalışsaq da, ifaçı telefon zənglərinə cavab verməyib.

Qeyd edək ki, bir müddət öncə şou-biznesdə daha bir azərbaycanlı prodüser Vəfa Vaqifqızı Məmmədova insan alverində şübhəli bilinərək istintaqa cəlb edilib. Daha çox əməkdar artist Nüşabə Ələsgərlinin yanında çalışan V.Məmmədova barəsində Nərimanov rayon Məhkəməsinin qərarı ilə iki ay müddətinə həbs-qətiimkan tədbiri seçib. O, Bakı İstintaq Təcridxanasına göndərilib. E.Əliyə gəlincə, o, prodüserliklə yanaşı teleradio sahəsində də çalışıb. Gənc prodüser ATV telekanalında və 160.3 FM radiosunda da çalışıb.

 

 

 

 

 

Geri dön
Hadisələrdən həmən xəbərdar olmaq üçün avtomatlaşdırılmış TWITTERFACEBOOK hesablarımıza üzv olun.
Facebook hesabınız vasitəsilə xəbərlərə rəylərinizi bildirin.
Facebook hesabınıza daxil olun və aşağıdakı aktiv olacaq paneldə öz fikrinizlə bölüşün.