Bakının iki rayonuna yeni prokurorlar təyin edildi
  • Bakının mərkəzi rayonlarından olan Yasamal və Nərimanova yeni prokurorlar təyin edilib.

Baş prokuror Zakir Qaralovun imzaladığı müvafiq əmrlərlə daha əvvəl Baş Prokurorluqda Milli Təhlükəsizlik və Fövqəladə Hallar Nazirlikləri, Dövlət Sərhəd Xidmətinin istintaq, təhqiqat və əməliyyat-axtarış fəaliyyətində qanunların icrasına nəzarət idarəsinin rəisi işləmiş baş ədliyyə müşaviri Rasim Hacıyev Yasamal rayon prokuroru vəzifəsinə təsdiqlənib.

Bundan başqa daha əvvəl Baş Prokuror Yanında Korrupsiyaya qarşı Mübarizə Baş İdarəsinin Preventiv tədbirlər və təhqiqat şöbəsinin rəisi vəzifəsində çalışmış Vüqar Əliyev Nərimanov rayon prokuroru vəzifəsinə təsdiqlənib.

Qeyd edək ki, bir müddət idi ki, R.Hacıyev Yasamal rayon, V.Əliyev isə Nərimanov rayon prokurorunun vəzifəsini icra edirdi. Baş prokurorun imzaladığı müvafiq əmrlərlə onlar bu vəzifələrə rəsmən təsdiqləniblər.

Geri dön
Hadisələrdən həmən xəbərdar olmaq üçün avtomatlaşdırılmış TWITTERFACEBOOK hesablarımıza üzv olun.
Facebook hesabınız vasitəsilə xəbərlərə rəylərinizi bildirin.
Facebook hesabınıza daxil olun və aşağıdakı aktiv olacaq paneldə öz fikrinizlə bölüşün.