Prezident fərman imzalayıb - MTN-ə əlavə səlahiyyət verildi
  • “Dövlət sirri haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2004-cü il 5 noyabr tarixli 139 nömrəli Fərmanında dəyişikliklər edilib.

Bu barədə prezident İlham Əliyev fərman imzalayıb. Fərmanda Baş Prokurorluğa tövsiyə edilib, eyni zamanda və Daxili İşlər Nazirliyinə, Dövlət Sərhəd Xidmətinə və Xüsusi Dövlət Mühafizə Xidmətinə tapşırılıb ki, qeyd edilən qurumların əməkdaşları xüsusi əhəmiyyətli, tam məxfi və məxfi məlumatlarla işləməyə buraxılması ilə bağlı yoxlama tədbirlərini keçirərkən, “Dövlət sirri haqqında” qanunun müvafiq maddəsində nəzərdə tutulan əsasın olub-olmaması barədə Milli Təhlükəsizlik Nazirliyinin rəyini alsınlar.

Nazirlər Kabinetinə tapşırılıb ki, Prezidentinin aktlarının bu fərmana uyğunlaşdırılması ilə bağlı təkliflərini üç ay müddətində hazırlayıb prezidentə təqdim etsin.

Bundan başqa, NK mərkəzi icra hakimiyyəti orqanlarının normativ hüquqi aktlarının bu Fərmana uyğunlaşdırılmasını nəzarətdə saxlayacaq. Bunun icrası barədə beş ay müddətində prezidentə məlumat verəcək.

Ədliyyə Nazirliyi isə mərkəzi icra hakimiyyəti orqanlarının normativ hüquqi aktlarının və normativ xarakterli aktların bu fərmana uyğunlaşdırılmasını təmin edib Nazirlər Kabinetinə məlumat verəcək.

Geri dön
Hadisələrdən həmən xəbərdar olmaq üçün avtomatlaşdırılmış TWITTERFACEBOOK hesablarımıza üzv olun.
Facebook hesabınız vasitəsilə xəbərlərə rəylərinizi bildirin.
Facebook hesabınıza daxil olun və aşağıdakı aktiv olacaq paneldə öz fikrinizlə bölüşün.