Azərbaycan boksçuları Qazaxıstandan 4 medalla döndülər
  • Qazaxıstanın Taldıkurqan şəhərində boks üzrə gənclər arasında "Jetısu kuboku" yarışına yekun vurulub.

11 çəki dərəcəsi üzrə keçirilən turnirdə 234 gənc dəri əlcək ustası qələbə uğrunda mübarizə aparıb. Azərbaycan Boks Federasiyasından Trend-ə verilən məlumata görə, baş məşqçi Şamil Alimcanovun rəhbərliyi altında komandamız turnirdə 13 idmançı ilə təmsil olunub. Yığmamız yarışda 1 qızıl, 1 gümüş və 2 bürünc medala sahib olub. 60 kq çəki dərəcəsində gücünü sınayan Nəsrəddin Məmmədov bütün görüşləri qələbə ilə başa vuraraq fəxri kürsünün ən yüksək pilləsinə qalxıb. 81 kq çəki dərəcəsində yarışan gənclər arasında Avropa çempionu Rauf Rəhimov yalnız finalda uduzaraq 2-ci yerə layiq görülüb. Boksçumuz həlledici görüşdə Qazaxıstan nümayəndəsi Dyusalıya 8:12 hesabı ilə uduzub.

Daha iki boksçumuz - Pərviz Bağırov (69 kq) və Rahil Məmmədli (91 kq) turniri 3-cü yerdə başa vurub. Qeyd edək ki, gənclər arasında Avropa çempionu olan Bağırov bu yarışda yeni çəkidə özünü sınayıb. Boksçumuz buna qədər 64 kq çəki dərəcəsində döyüşürdü.

Xatırladaq ki, bu il gənclər arasında ən önəmli yarış noyabrın 25-dən dekabrın 8-dək Ermənistanın paytaxtı Yerəvanda keçiriləcək dünya birinciliyidir.

Geri dön
Hadisələrdən həmən xəbərdar olmaq üçün avtomatlaşdırılmış TWITTERFACEBOOK hesablarımıza üzv olun.
Facebook hesabınız vasitəsilə xəbərlərə rəylərinizi bildirin.
Facebook hesabınıza daxil olun və aşağıdakı aktiv olacaq paneldə öz fikrinizlə bölüşün.