Qurban Qurbanov: Hər bir futbolçumuz aqressiv olmalıdır
  • Səfərdəki qələbəyə baxmayaraq, sabahkı oyun çox çətin olacaq. Artıq hər iki komanda bir-birini tanıyır.

Bu sözləri “Qarabağ”ın baş məşqçisi Qurban Qurbanov deyib. Sabah Avroliqanın qrup mərhələsinin dördüncü turu çərçivəsində “Dnepr”ə qarşı keçiriləcək oyundan öncə mətbuat önünə çıxan təcrübəli mütəxəssis uğur qazanmaq istədiklərini qeyd edib:

“Ağır oyun olacaq. Bacardıqca səhvsiz oynamalıyıq. Məqsədimiz yaxşı nəticə qazanmaqdı. Sabah heç-heçə olsa belə, “Dnepr”in qrupdan çıxmaq şansı qalır. Bilirəm ki, rəqib revanş almaq istəyir. Onların da maksimum hədəfləri var. Çalışmalıyıq ki, futbolçuları oyuna tam kökləyə bilək”.

Qurbanov indidən ikinci yer haqda düşünmədiklərini vurğulayıb:

“Futbolçularla qrupda ikinci olmaq barədə danışmamışam. Bu barədə düşünsək, səhv edərik. Rəqibi düzgün qiymətləndirmək lazımdı. Vacib olan oyundu. Sabah uduzsaq belə, şansımız qalacaq. Oyundan oyuna tərcübə qazanırıq. İstədiyimiz oyunu qurmağa çalışmalıyıq”.

Təcrübəli mütəxəssis qeyd edib ki, komandası aqressiv oynamalıdır:

“Hər bir futbolçumuz aqressiv olmalıdır. Çünki rəqib bizdən də aqressiv olacaq”.

Geri dön
Hadisələrdən həmən xəbərdar olmaq üçün avtomatlaşdırılmış TWITTERFACEBOOK hesablarımıza üzv olun.
Facebook hesabınız vasitəsilə xəbərlərə rəylərinizi bildirin.
Facebook hesabınıza daxil olun və aşağıdakı aktiv olacaq paneldə öz fikrinizlə bölüşün.